Dy fëmijë shqiptarë, të moshës 11 dhe 10 vjeç janë shpallur të zhdukur dhe po kërkohen nga autoritetet në Tenerife të Spanjës.
Bëhet fjalë për dy fëmijët Kristian dhe Amantia Toska, 11 dhe 10 vjeç, ndërsa nëna e tyre ka akuzuar babanë e fëmijëve, pra bashkëshortin se i kishte rrëmbyer ata në Gjermani dhe ishte larguar në drejtim të paditur.
Hetimet për këtë çështje zbuluan se babai me fëmijët udhëtoi në Tenerife (Spanjë) me të vegjlit.
Shoqata SOSdesaparecidos në Spanjë, ka publikuar njoftimin për zhdukjen e dy fëmijëve (motër e vëlla), Kristian dhe Amantia Toska, pasi nëna e fëmijëve bëri denoncimin për zhdukjen e tyre më 17 janar.
Policia gjermane, e cila mori përsipër hetimin pasi mori ankesën e nënës, ka kontaktuar autoritetet spanjolle duke kërkuar bashkëpunimin e tyre pasi një nga linjat e hapura të hetimit tregon se babai i dy fëmijëve mund të ketë udhëtuar në Tenerife me fëmijët dhe po përpiqet të fshihen në ishull që atëherë.
Familja, me origjinë shqiptare, jetonte në Gjermani. Shoqata SOS desaparecidos kërkon bashkëpunim të qytetarëve për të gjetur të dy fëmijët, 11-vjeçarin Kristian Toska me flokë ngjyrë kafe, me trup të dobët, dhe syze. Si dhe motrën e tij, Amantia Toska 10 vjeçe me flokët të gjatë, kaçurrelë ngjyrë kafe.
