InstaBIZ

Dy çiftet mbretërore bashkohen sërish për këtë çështje me rëndësi


               Publikuar në : 19:26 - 07/10/19 |
xhu lia

Disa muaj më parë dy çiftet mbretërore u ndanë nga shoqata e përbashkët e bamirësisë. Asokohe mediat e huaja aluduan se diçka e tillë ndodhi për shkak të marrëdhënies jo të mirë me njëri-tjetrin.

Më pas u vërtetua se kjo ndarje erdhi pasi Princ Harry dhe Dukesha Meghan Markle dëshironin të kishin shoqatën e tyre të bamirësisë.

Por mësohet se dy çiftet mbretërore janë bashkuar sërish me njëri-tjetrin për një çështje me shumë rëndësi që ka të bëjë me shëndetin mendor.

Në faqen zyrtare të Pallatit mbretëror është publikuar një video, e cila nis me Princ William i cili shprehet:

“Të gjithë e kemi parasysh atë ndjenjën kur jeta na sundon”.

Pas tij Princi Harry shprehet: “Ne ndihemi të stresuar, pa energji, kemi ankth apo kemi probleme me gjumin”.

Më pas  gjatë videos vijon Dukesha Meghan Markle, e cila prezanton të gjithë iniciativën, duke treguar se ka disa mënyra të thjeshta për t’u kujdesur për shëndetin mendor.

Ndërsa Dukesha Kate  Middleton shpjegon se çfarë procedure duhet ndjekur për të përballuar stresin. Ndërkohë kujtojmë se më herët vetë pjesëtarët e familjes mbretërore kanë folur hapur për problemet që ata kanë pasur me shëndetin mendor./Opinion.al/

 

Pas