Kronikë

Durrës/ E zhdukur prej 9 ditësh, gjendet 30-vjeçarja, arrestohet pengmarrësi



Bëhu pjesë e Grupit Zyrtar të Opinion.al
>> KËTU <<
               Publikuar në : 09:50 - 02/08/22 |
el ida

Policia e Durrësit ka gjetur 30-vjeçaren, E.D, nënën e dy fëmijëve, e cila ishte shpallur në kërkim që prej 9 ditësh.

Ndërsa, në prangat e policisë ka rënë 32-vjeçari me inicialet M.M, i cili akuzohet për veprat penale, “Heqja e paligjshme e lirisë”, “Shtrëngimi apo pengimi për të bashkëjetuar ose për të lidhur apo zgjidhur martesë” dhe “Marrëdhënie seksuale me dhunë me të rritura”.

Arrestimi i tij u bë pas kallëzimit të 30-vjeçares dhe bashkëshortit të saj T. D., 36 vjeç, banues në Durrës.

Sipas policisë, shtetësja E.D është mbajtur peng në një hotel për 9 ditë nga 32-vjeçari prej Lushnje. Ai e ka detyruar për të bashkëjetuar dhe ka kryer marrëdhenie seksuale me dhunë me të, nën kërcënimin e një thike dhe duke e kanosur për jetën e familjarëve të saj.

Shtetasja E. D. ishte shpallur e humbur  që prej datës 25.07.2022, kur familjarët e saj denoncuan në Komisariatin e Policisë Durrës.

“Specialistët për Hetimin e Krimeve në Komisariatin e Policisë Durrës arrestuan në flagrancë, për veprat penale “Heqja e paligjshme e lirisë”, “Shtrëngimi apo pengimi për të bashkëjetuar ose për të lidhur apo zgjidhur martesë” dhe “Marrëdhënie seksuale me dhunë me të rritura”, shtetasin M. M., 32 vjeç, banues në Lushnjë, i dënuar më parë për veprën penale “Heqja e paligjshme e lirisë”.

Arrestimi i këtij shtetasi u bë pas kallëzimit të shtetasve T. D., 36 vjeç dhe E. D., 30 vjeç (bashkëshortë), banues në Durrës, të cilët mbrëmjen e djeshme kanë denoncuar se shtetasi M. M. i ka hequr lirinë në mënyrë të paligjshme shtetases E. D., duke e mbajtur me forcë për disa ditë në një hotel, e ka detyruar për të bashkëjetuar dhe ka kryer marrëdhenie seksuale me dhunë me të, nën kërcënimin e një thike dhe duke e kanosur për jetën e familjarëve të saj.

Shtetasja E. D. ishte shpallur e humbur, pasi më datë 25.07.2022, në Komisariatin e Policisë Durrës, bashkëshorti i saj, shtetasi T. D. ka kallëzuar se ajo ishte larguar nga banesa dhe nuk ishte kthyer më.

 Materialet i kaluan Prokurorisë, për veprime të mëtejshme”, njofton policia.

Pas