Kronikë

Durrës/ 77 pako marijuanë çokollatë në Porsche, arrestohet 42-vjeçari


Bëhu pjesë e Grupit Zyrtar të Opinion.al
>> KËTU <<
               Publikuar në : 08:51 - 10/02/21 |
Doriana Çepunaj

Një operacion policor kundër trafikut të lëndëve narkotike është zhvilluar në qytetin e Durrësit. Policia bën me dije se gjatë aksionit “Kritikal”  është arrestuar 42-vjeçari me iniciale E.B. nga Tirana.

“Specialistët për Hetimin e Narkotikëve, në bashkëpunim me Forcën Operacionale në DVP Durrës, në vijim të punës për parandalimin dhe goditjen e paligjshmërisë, në bazë të informacioneve të disponuara për një shtetas që po lëvizte në drejtim të Durrësit, me sende të kundërligjshme në mjet, kanë organizuar menjëherë punën dhe kanë finalizuar operacionin policor të koduar “Kritikal”, në kuadër të të cilit u arrestua në flagrancë shtetasi: E. B., 42 vjeç, banues në Tiranë”, njofton policia.

42-vjeçari është vënë në pranga nga policia në mbikalimin e Pleplave duke transportuar me makinën tip Porsche lëndë narkotike. Gjatë kontrollit në bagazhin e këtij mjeti u konstatuan 77 pako me lëndë narkotikemarijuanë në formë çokollate, me peshë 30 kg.

Gjithashtu autoritetet informojnë se në pranga ka rënë edhe një person tjetër me iniciale F.C., i cili drejtonte makinën tip Audi dhe që pas verifikimeve rezultoi se është bashkëpunëtor i 42-vjeçarit E.B. dhe shoqëronte këtë të fundit duke e informuar nëse kishte patrulla policore.

Nga hetimet ka rezultuar se sasia e lëndës narkotike të kapur nuk është prodhuar në Shqipëri, por është trafikuar nga një vend tjetër. Policia bën me dije se gjatë operacionit janë sekuestruar edhe 3600 Euro, 2 automjetet dhe 6 celularë.

Materialet i kaluan Prokurorisë së Rrethit Gjyqësor Durrës, për veprime të mëtejshme./Opinion.al

Pas