Dua Lipa ka ndarë me ndjekësit në Twitter një moment të veçantë që i ka ndodhur në ceremoninë e ndarjes së çmimeve “Grammy”
Para se të dilte në skenën e “Grammy Awards” për të marrë trofeun ajo ka marrë një puthje nga Lady Gaga dhe kjo gjë ka bërë që truri i saj të ndalojë së funksionuari.
“Gjithashtu, Lady Gaga më dhuroi një puthje kur po ngjitesha për të marrë çmimin “Artistja më e mirë e re” dhe ishte e mjaftueshme për të mu ndaluar truri së funksionuari”, shkruan Dua.
Artistja shqiptare rrëmbeu dy çmime në ceremoninë “Grammy”, atë për “Këngën më të mirë në zhanrin dance” dhe “Artistja më e mirë e re” duke u bërë shqiptarja e parë në histori që shpërblehet me dy “Grammy”./E.M
