Prokuroria e Komos dhe karabinieria italiane kanë vënë në pranga tetë persona, pjesë e një bande që trafikonin heroinë dhe kokainë nga Holanda në Itali.
Nga këta të tetë, shtatë janë shqiptarë dhe një italian. Atyre gjithashtu iu sekuestruan dy pistoleta dhe dy mitralozë.
Banda trafikonte drogën në provincat e Como, Monza Brianza, Milano, Varese dhe Rimini nga dhjetori 2017 deri në shkurt 2018.
Ky operacion është vazhdim i hetimeve të shtatorit 2018 që çoi në arrestimin e 23 personave, nga të cilët 22 ishin shqiptarë dhe një grua rumune. Ata akuzoheshin për shfrytëzim prostitucioni ndaj më shumë se 25 vajzave kryesisht me kombësi shqiptare dhe atyre nga Evropa Lindore. /Opinion.al
