Një 36-vjeçar nga Kavaja është vënë nën prangat e policisë pasi shiti 53 kilogramë lëndë narkotike tek një shtetas italian. Ky i fundit tentoi ta dërgonte drogën në Itali, por u arrestua 5 ditë më parë në pikën e kalimit kufitar Muriqan, Shkodër.
Pas hetimeve të kryera, rezultoi se italiani e kishte blerë drogën në formë çokollate, nga 36-vjeçari E.L.
“Vijon puna hetimore për zbardhjen dhe dokumentimin e tentativës për trafikim ndërkombëtar të 53 kilogramë lëndë narkotike marijuanë në formë çokollate. Pas një pune të mirëorganizuar, Specialistët për Hetimin e Narkotikëve në DVP Shkodër në bashkëpunim me Shërbimet e Komisariatit të Policisë Kavajë bënë kapjen dhe ndalimin e shtetasit E. L., 36 vjeç, banues në Lagjen Nr.2, Kavajë.
Nga tërësia e veprimeve hetimore rezultoi se ky shtetas i kishte shitur lëndën narkotike shtetasit italian C. T., disa ditë më parë, që tentoi ta trafikonte në drejtim të Italisë, i cili u arrestua nga Policia Kufitare e Muriqanit, Shkodër”, njofton policia.
