Kronikë

Drogë e eksploziv drejt Greqisë, trafikantët braktisin çantat plot dhe ia mbathin


Bëhu pjesë e Grupit Zyrtar të Opinion.al
>> KËTU <<
               Publikuar në : 10:16 - 29/12/21 |
Opi Nion

Policia Kufitare e Kakavijës, ka sekuestruar 44.5 kg lëndë narkotike kanabis, 4 kallëpe me lëndë plasëse C4, kapsolla detonatore dhe fitil zjarrpërcjellës.

Sipas një njoftimi zyrtar, personat që po i transportonin këto lëndë të paligjshme drejt Greqisë kanë arritur të largohen duke përfituar nga moti i keq me shi dhe mjegull.

Policia informon se bazuar në informacionet e marra nga Policia Kufitare, tre shtetas po transportonin lëndë narkotike në drejtim të shtetit grek, kanë koordinuar veprimet, duke krehur zonën në një perimetër të gjerë.

Mësohet se si rezultat i kontrolleve të përbashkëta, në pyllin midis fshatit Kakavijë dhe fshatit Dritë,  shërbimet e Policisë kanë parë nëpërmjet dylbive, tre shtetas që po transportonin dy çanta në të cilat dyshohej se kishte lëndë narkotike.

Uniformat blu janë vënë në ndjekje të këtyre shtetasve, të cilët sapo kanë diktuar se po i ndiqte Policia, kanë braktisur çantat dhe duke përfituar edhe nga moti i keq me shi e mjegull  janë larguar me shpejtësi në thellësi të pyllit.

Raportohet se shërbimet e Policisë kanë lajmëruar menjëherë shërbimet homologe greke dhe vijon krehja e zonës në një perimetër të gjerë, për të bërë të mundur kapjen e tyre.

Mësohet se gjatë kontrollit në çanta, janë gjetur 42 pako të mbështjella me qese plastike, në brendësi të të cilave kishte lëndë të dyshuar narkotike cannabis sattiva, me peshë totale 44.5 kg, 4 kallëpe me lëndë plasëse të llojit C4, kapsolla detonatore dhe fitil zjarrpërcjellës, të cilat janë sekuestruan në cilësinë e provës materiale./Opinion.al

Pas