Mazhoranca kërkon me ngut të zëvendësojë kreun e akuzës, pasi Adriatik Llallës i përfundon mandati nesër më 7 Dhjetor. Ndërsa PD, ka kërkuar që Prokurori i ri të zgjidhet pasi të jetë formuar Këshilli i Lartë i Prokurorisë. (organ i ri sipas reformës në drejtësi).
Sot mësohet se Komisioni Parlamentar i Ligjeve kanë nisur procedurat për zëvendësimin e prokurorit të përgjithshëm Adriatik Llalla. Sakaq, Drejtoria për Monitorimin e Institucioneve të Pavarura në Kuvend, në një memo drejtuar Komisionit të Ligjeve, bën të ditur se Adriatik Llallës i përfundon mandati në 7 dhjetor. Por, kjo drejtori kundërshton idenë e mazhorancës për ta zgjidhur kreun e akuzës me shumicë të thjeshtë votash. “Për zgjedhjen e tij duhet shumicë e cilësuar prej 84 votash”, thuhet në memo. /Opinion.al
