Janë 6 dosje penale në Prokurorine e Përgjithshme, të cilat rrezikojnë të pushohen për shkak të ndryshimeve të reja Kushtetuese.
ABC News ka mësuar se Prokuroria e Përgjithshme ka në hetim 10 deputetë të Kuvendit të Shqipërisë dhe një tjetër në fazën e gjykimit, për akuza të ndryshme, dosja ndaj të cilëve rrezikohet të pushohet.
Kjo për shkak se me ndryshimet e reja Kushtetuese, institucionit qëndror të akuzës i është hequr hetimi ndaj zyrtarëve me imunitet deputetëve, në hetim është edhe gjyqtarja e Gjykatës së Lartë Majlinda Andrea bashkë me bashkëshortin e saj dhe dy ndihmësit, për akuzën e “korrupsionit”.
Edhe ndaj tyre, dosja rrezikon të pushohet për shkak se me ndryshimet e reja, hetimi i kësaj kategori njerëzish i ka kaluar SPAK-ut, institucion ky që ende nuk është krijuar.
Sipas prokurorisë, mos parashikimi i një dispozite kalimtare në ndryshimet e reja Kushtetuese ka sjell ngërç në institucionin e akuzës, sidomos në hetimin e këtyre çështjeve. Burimet thonë se në hetim, për akuzën e kundërshtimit të forcave të rendit janë 8 deputetë të Partisë Demokratrike ndërsa Gent Strazimiri po hetohet për akuzën e “armëmbajtjes pa leje”.
Veç këtyre, prokuroria ka në hetim pasuror deputetin Tom Doshi dhe një dosje penale ndaj tij ndodhet në gjykim për akuzën e “kallëzimit të rremë”. Në gjykim ndodhet edhe dosja penale në ngarkim të deputetin Armando Prenga, i akuzuar për kanosje dhe plagosje me armë zjarri. Dosje për të cilat nuk parashikohet se çfarë rruge do të ndjekin pas këtyre ndryshimeve, meqense ende nuk është krijuar institucioni i SPAK-ut.
Këtë shqetësim, e ka ngritur edhe kryeprokurori Adriatik Llalla gjatë një reagimi public, ku kërkon me ugjencë që Ministria e Drejtësisë dhe Kuvendi të parahsikojnë dhe miratojnë një dispozit kalimtare për mënyrën se si do të fundksionoj prokuroria deri në krijimin e SPAK-ut.
Nga ana tjetër, prokuroria e përgjithshme mësohet se ka pushuar hetimin ndaj Ministrit të Brendshëm Sajmir Tahiri, i kallëzuar nga Presidenti Bujar Nishani për kanosje të gjyqtarit Arjan Aliaj. Në vendimin e mosfillimit të hetimit, prokuroria thotë se Tahiri me dekl;aratat e tij publike nuk ka kanosur gjyqtarin Aliaj pasi nuk ka kryer veprime konkrete, siç e parashikon ligji në krastin e kanosjes.
Por, gjyqtari Aliaj si i dëmtuar akuzues mund ti drejtohet gjykatës me një padi civile ndaj ministrit Tahiri. Ky I fundit, pas pezullimit nga detyra të drejtrit të policisë së shtetit Haki çako me vendim gjykate, sulmoi publikisht gjyqtarin Aliaj.
