Sali Berisha i kërkoi Fatmir Xhafës ti nenshtrohet vetingut. Sipas tij eshte e pamoralshme qe Xhafaj te beje ventigun e policeve kur te vellane e ka patur trafikant.
“Unë e kuptoj që kushtetuta nuk të detyron, por morali ka kushtetutën më supreme. Morali të detyron ty që së bashku me të gjithë punonjësit civilë të asaj ministrie ti nënshtroheni vettingut. Si do ti kërkosh policëve ti se me cilin trafikant ke pirë kafe, ndërkohë që vetë e ke gjarprin në gji, e ke në familje, njeriun e dënuar 14 vite nga gjykata italiane”, tha Berisha ne foltoren e parlamentit.
Më tej, ai citoi një raport ku thuhej se Shqipëria është qendër rajonale e krimit të organizuar dhe rrugë kryesore e heroinës.
“Në raportin e organizatës së Kombeve të Bashkuara, në raportin e Grupit të Dublinit që është grupi i Bashkimit Europian. Shtypja që Itali dhe Shqipëria i kanë bërë transportimi të drogës ka çuar në rritjen e fitimit të Shqipërisë si vend tranzit për ngarkesa të mëdha të heroinës. Statistika thotë raporti, sasia e heroinës afgane e kapur në Itali, e cila më parë tranzitohej nga Shqipëria mbetet minimale”, tha Berisha.
I gjithe debati i sotem ne parlament eshte perqendruar tek vetingu ne polici, pasi ministri prezantoi ligjin e ri. Opozita kerkon qe ne veting te perfshihet edhe ministri dhe stafi i tij i ngushte ne ministri.
