Portreti i Joe Biden nuk është më në Shtëpinë e Bardhë! Presidenti Donald Trump duket se ka bërë sërish ndryshime në dekor dhe ka hequr imazhin e paraardhësit të tij që renditej krah gjithë presidentëve në historinë e Shteteve të Bashkuara.
Në vend të Biden, mes dy portreteve të Trump, qëndron tashmë fotoja e një autopeni.
Trump ka kritikuar prej kohësh përdorimin e “autopenit” nga Biden, një metodë rutinë me makineri automatike për firmosjen e dokumenteve zyrtare kur personi përgjegjës nuk është në gjendje t’i nënshkruajë ato. Përdorimi i autopenit është i zakonshëm në Shtëpinë e Bardhë dhe është përdorur nga ish-presidentë në të dyja anët, republikanë dhe demokratë.
Presidenti aktual ka pretenduar vazhdimisht se Biden nuk e dinte ccfarë po ndodhte gjatë presidencës së tij, pasi persona të tjerë kishin përdorur autopenin për të nënshkruar ligje dhe falje për persona të caktuar.
Trump ka sugjeruar që faljet që Biden nënshkroi duke përdorur teknologjinë duhet të konsiderohen të pavlefshme.
Ish-presidenti ka reaguar publikisht dhe ka thënë se I ka marrë vetë gjithë vendimet gjatë mandatit të tij dhe e quajti qesharak ccdo sugjerim se ka ndodhur e kundërta.
Fotot e të gjithë perësidentëve amerikanë qëndrojnë midis krahut perëndimor dhe rezidencës së Shtëpisë së Bardhë, duke dëshmuar historinë dhe liderët që kanë drejtuar vendin.
Megjithatë galeria është pjesë e ndryshimeve më të mëdha të Trump në territorin e Shtëpisë së Bardhë, ku përfshihet gjithashtu një ndryshim I madh në të ashtuquajturin “Kopshti I Trëndafilave”.
