Aktualitet

Doli në të dhënat e publikuara nga hakerat? Spiropali: Të gjejmë ç’lidhje ka Elisa



Bëhu pjesë e Grupit Zyrtar të Opinion.al
>> KËTU <<
               Publikuar në : 16:51 - 03/10/22 |
Opi Nion

Ministrja e Shtetit për Marrëdhëniet me Parlamentin, Elisa Spiropali, ka reaguar pas publikimit nga hakerat iranianë të të dhënave të Policisë së Shtetit. Përmes një statusi në rrjetet sociale Spiropali shkruan se edhe pse policia përgënjeshtroi se të dhënat nuk ishin marrë nga sistemi Memex, lajmet e portaleve mbetën.

“S’ka më jo turp, po as një minimum sensi logjik të kanaleve e të portaleve në raport me publikun, se për ndonjë ndjenjë minimale patriotizmi as bëhet fjalë! Hakerat e një vendi armiqësor me Shqipërinë postojnë lista me emra pa lidhje dhe këtu hidhen gjylet e akuzave absurde!
Thotë Saliu lista Memex, vu portalet lista Memex. Përgënjeshtroi Policia nuk është lista Memex, por lajmet e portaleve mbetën.
Shkurt, e hodhën ata një gur në lumë dhe tani o burra të gjejmë ç’lidhje ka Elisa, Niko, Mimi e të tjerë apo edhe disa gazetarë në listën e të dyshuarve të Policisë! Kanë vetëm një lidhje: Lidhjen mes keqdashësisë së atyre që e hedhin gurin dhe ligësisë së atyre që gjoja s’e nxjerrin dot! Qesharake!”-shkruan Spiropali.

Këtë të hënë hakerat e ashtëquajtur “Homeland Justice” publikuan materiale të marra nga sulmet kibernetike në sistemet shqiptare.

Sipas të dhënave që qarkulluan në media në listën e publikuar, të nxjerrë nga sistemi i Policisë së Shtetit, ndodheshin edhe emrat e 2 ministrave, Elisa Spiropali, Ministrja e Shtetit për Marrëdhëniet me Parlamentin dhe i Niko Peleshit, Ministër i Mbrojtjes, përfshirë edhe ish-ministren e Mbrojtjes, Mimi Kodheli.

Ndërkohë më herët në një reagim policia e shtetit ka mohuar që materialet të jenë marrë nga sistemi MEMEX duke u shprehur se nuk janë prekur apo dëmtuar të dhëna sensitive që administrohen e kanë të bëjnë me punën policore.

Pas