Disa ditë pasi Gjykata e Tiranës regjistroi statutin e PD të Kuvendit të 11 Dhjetorit të thirrur nga ish-kryeministri, Sali Berisha, kreu i grupit parlamentar demokrat, Enkelejd Alibeaj ka depozituar në Gjykatën e Apelit ankimimin e vendimit.
Gjykata njohu ligjërisht në krye të PD-së Komisionin e Rithemelimit.
Ndërkohë, sikurse kishte paralajmëruar PD ka ankimuar vendimin e gjyqtarit Agron Zhukrit për miratimin e Statutit të Sali Berishës. Në shkresën e depozituar që mban firmën e Enkelejd Alibeaj në cilësinë e nënkryetarit të partisë, kërkohet prishja e vendimit që i jep drejtimin e partisë Grupit të Rithemelimit si dhe pushim ose kthimin në hetim me trupë tjetër gjykuese.
Kujtojmë se një ditë pas vendimit të gjykatës, PD e kallëzoi në SPAK gjyqtarin Agron Zhukri, për shpërdorim detyre./Opinion.al
