“Do të kthehem si Kryeministër”. Me këto fjalë e ka nisur Sali Berisha konferencën e sotme për mediat, në të cilën ka sjellë edhe 4200 formularët me firmat e mbledhura për mbajtjen e kuvendit.
“Dua të sjell para jush dokumentin më të rëndësishëm në historinë e pluralizmit shqiptar pas rrëzimit të komunizmit. Drejtoresha e komunikimit të kësaj nisme historike, që ka synim vendosjen e pluralizmit politik në Shqipëri, fitoren e PD dhe rikthimin e Sali Berishës si kryeministër i ardhshëm i Shqipërisë”, tha Berisha.
Në këtë konferencë, kanë qenë të pranishëm edhe deputetët aktualë të PD-së, Flamur Noka, Edmond Spaho, Albana Vokshi, dhe Oerd Bylykbashi, ndërsa janë parë gjithashtu edhe ish-ministri Aldo Bumçi, Klevis Balliu, Arben Ristani dhe Keltis Kruja./Opinion.al
