Një 72-vjeçar ka rënë në prangat e policisë pasi transportonte persona për të kaluar kufirin në mënyrë të paligjshme .
Sipas policisë 72-vjeçari me iniciale B.H u arrestua në flagrancë teksa u përpoq t’i kalonte kufirin, kundrejt pagesës 16 persona, të cilët ishin të kombësive siriane dhe palestineze.
Ata kishin hyrë ilegalisht në qytetin e Korçës, përmes kufirit jeshil nga shteti grek dhe 72-vjeçari do ti transportonte në drejtim të Malit të Zi, me destinacion final një nga vendet e BE-së.
Mësohet se për çdo person 72-vjeçari me banim në Tiranë fitonte nga 450 deri në 1000 euro për secilin.
Materiale hetimore i kaluan Prokurorisë pranë Gjykatës së Shkallës së Parë Elbasan, për veprimet e mëtejshme./Opinion.al/
