Bota

Djali i zëdhënësit të Kremlinit refuzon t’i bashkohet ushtrisë: E dini kush jam unë?



Bëhu pjesë e Grupit Zyrtar të Opinion.al
>> KËTU <<
               Publikuar në : 08:02 - 24/09/22 |
Opi Nion

Niveli i refuzimit të mobilizimit ushtarak të urdhëruar nga Vladimir Putin ka mbërritur deri në Kremlin.

Djali i zëdhënësit, Dmitry Peskov, ra në grackën e një kurthi telefonik nga aktivistë të opozitës, të cilët i thanë Nikolai Peskovit se emri i tij ishte në listën e rezervistëve që duhet të kapin armët për të luftuar në Ukrainë.

Përgjigjja e djalit të zëdhënësit ishte kjo: “E dini kush jam unë? Jam zoti Peskov dhe duhet ta kuptoni se sa e gabuar do të ishte për mua të shkoja atje”.

Babai i tij, Dmitry, reagoi duke thënë se ishte në dijeni të këtij rrengu telefonik dhe se pret publikimin e plotë të bisedës përpara se të bëjë një koment. Ai adresoi edhe eksodin e të rinjve, të cilët dëshpërimisht po tentojnë të lënë Rusinë, për të shmangur rekrutimin e ushtrisë.

Zëdhënësi i Kremlinit pranoi se mes popullsisë pati një reagim histerik lidhur me deklaratën për mobilizim e rezervistëve për luftë. Sipas Peskov, reagimi ishte emotiv dhe i kuptueshëm për shkak të mungesës së informacionit.

Ministria ruse e Mbrojtjes ka tentuar që të adresojë situatën për të qetësuar të rinjtë dhe burrat rusë duke publikuar një sërë profesionesh që thotë se do të përjashtohen nga rekrutimi për të luftuar në Ukrainë.

Në këtë fushatë “ndërgjegjësimi” është përfshirë dhe kreu i Kishës Ortodokse ruse, i cili tentoi të nxiste të rinjtë dhe burrat për t’ju bashkuar Rusisë.

“Nëse vdisni duke i shërbyer vendit, kujtoni se do të jeni pranë Zotit në mbretërinë e tij”, u shpreh Patriarku Kiril.

Por, as kjo nuk e ndali eksodin që po verifikohet në të gjitha anët e kufirit tokësor të Rusisë, ndërsa biletat e avionit kanë kapur qiellin, duke arritur deri në 9 000 euro.

Për të frenuar këtë vrull largimesh, Finlanda kufizoi në mënyrë të ndjeshme hyrjen e rusëve në territorin e saj. Njoftimi i Helsinkit vjen pas radhëve të gjata që janë krijuar në kufi, pas njoftimit të Vladimir Putin për mobilizim të pjesshëm ushtarak.

Pas