Djali i madh i gazetarit të vrarë saudit, Jamal Khashoggi, arriti bashkë me familjen e tij në Shtetet e Bashkuara nga Arabia Saudite. Salah Khashoggi më herët nuk është lejuar të largohet nga Arabia Saudite. Kjo për shkak të kritikave të babait të tij për udhëheqjen e vendit.
Jamal Khashoggi është vrarë në konsullatën saudite në Stamboll, tri javë më parë.
Zyrtarët sauditë e mohojnë përfshirjen e familjes mbretërore në vrasje. Disa ditë më parë, Salah Khashoggi u fotografua duke marrë ngushëllime nga princi i kurorës, Mohammad Bin Salman.
Vëzhguesit e përshkruan takimin si të ftohtë. Ata thanë se shfaqja publike mund të ketë qenë çmimi që Salah ka paguar për t’u lejuar që të ikë nga vendi.
Një zëdhënës amerikan tha se sekretari i Shtetit, Mike Pompeo, u ka thënë udhëheqësve sauditë se dëshiron që Salah Khashoggi, shtetas amerikan dhe saudit, të kthehet në SHBA. Dhe se është “i lumtur” që ai është lejuar të lëvizë.
Nuk është e qartë për sa kohë Salah Khashoggi planifikon të qëndrojë në Shtetet e Bashkuara.
