Dinamo mbetet pa trajner në fund të vitit 2020.
Trajneri italian Fabricio Kamarata dha lajmin e largimit nga skuadra nëpërmjet një statusi në rrjetet sociale. Kamarata në postimin e tij ka shprehur mirënjohjen klubit dinamovit dhe futbollistëve për 13 muajt e bashkëpunimit mes tyre.
Mesazhi i Fabricio Kamaratës
Ndonjëherë disa gjëra të papritura ndodhin në futboll për të marrë vendime të caktuara. Mbyll mandatin tim si trajner i Dinamos.
Dua të falenderoj Dinamon dhe në veçanti presidentin Pontreli që më dha mundësinë të jem trajner i një klubi kaq të rëndësishëm.
Gjithashtu falenderoj administratorin e klubit, Ermal Barushin, për të gjithë punën e bërë; të gjithë futbollistët që kam stërvitur, sepse kanë qenë profesionistë të vërtetë dhe u uroj më të mirat në karrierë.
I falenderoj dhe tifozët Dinamos që na kanë mbështetur gjithmonë dhe meritojnë më tepër.
Këto 13 muaj kanë qenë të rëndësishme për mua, sepse fillimisht garantuam qëndrimin në Kategorinë e Parë, ndërsa sot jemi ‘kampionë të dimrit’ dhe në çerekfinale të Kupës së Shqipërisë.
Dinamo do ta kujtoj gjithmonë dhe do të jem tifoz i saj duke shpresuar t’ju shoh sa më shpejt në Kategorinë Superiore.
Faleminderit për gjithçka!/Opinion.al
