Një polici në qytetin bregdetar të Vlorës i është djegur makina në orët e para të mëngjesit të së martës.
Sipas policisë, makina në flakë është konstatuar rreth orës 03:10 të mëngjesit në lagjen “Pavarësia”, pranë palestrës se Mundjes.
Nga verifikimi dhe hetimi ka rezultuar se mjeti tip ”Benz”, është në pronësi të Z.Z., punonjës policie në Komisariatin e Policisë Vlorës.
Dyshohet që zjarrëvënia të ketë qenë e qëllimshme pasi në pjesën e përparme tek motori është konstatuar lëndë djegëse.
Grupi hetimor po vijon punën për zbardhjen e plotë të rrethanave të kësaj ngjarje.
Kjo nuk është hera e parë që digjet makina e një punonjësi policie në Vlorë. Më 9 tetor, ishte makina tip Benz e Dh.N., punonjës policie me funksion ndihmës/specialist zone në Komisariatin e Policisë Vlorë, e cila u dogj teksa ishte e parkuar përpara shesh/pushimit të pallatit.
Pamje nga vendngjarja
