-Shëndeti

Diell dhe ajër kundër COVID, çfarë ndodhi me gripin spanjoll në 1918


Bëhu pjesë e Grupit Zyrtar të Opinion.al
>> KËTU <<
               Publikuar në : 15:15 - 03/05/20 |
Opi Nion

“I nxehti dhe jetesa në ajër të pastër mund ta limitojnë infektimin”. Kështu është shprehur gjatë një interviste në Rainews 24, Sylvie Briand, drejtore e departamentit  të rreziqeve infektive në OBSH, duke theksuar megjithatë ruajtjen e distancave dhe kujdesin për të moshuarit.

Duket në fakt se ndikimi i diellit dhe ajrit të pastër në luftën kundër viruseve nuk është një teori e re.

Richard Hobday, një inxhinier i cili është autor i disa botimeve që lidhin rëndësinë e diellit në shëndet, në një publikim, flet për ndikimin e ajrit dhe diellit në shëndetin e të prekurve gjatë pandemisë së gripit spanjoll.

“Gjatë pandemisë së gripit spanjoll në vitin 1918, mjekët vunë re se pacientët që qëndronin jashtë çadrave u rekuperuan më shpejt se ata që u trajtuan brenda. Një kombinim i ajrit të pastër dhe rrezeve të diellit dukej se kishte ndikuar në uljen e vdekjeve tek ta dhe në uljen e shpërndarjes së infektimit tek punonjësit e stafit.

Gjatë pandemisë së madhe, dy nga vendet më problematike ishin barrakat ushtarake dhe anijet. Mbipopullimi dhe ventilimi i keq i çonin ushtarët në rritjen e rrezikut të infektimit dhe shoqërimin nga komplikacione të tjera.

Ndikimi

Kur pandemia mbërriti në  brigjet lindore të SHBA në vitin 1918,  qyteti i Bostonit u godit veçanërisht më fort. Ndaj u ngrit një spital emergjence ku u vendosën ushtarët dhe marinarët e sëmurë. Stafi mjekësor vuri re se të sëmurët më rëndë kishin qenë në vende të paajrosura, ndaj për t’ju dhënë mundësinë e marrjes së ajrit i vendosën në çadra. Kur moti ishte i mirë i nxirrnin jashtë tyre në diell. Mjekët që provuan të parët terapinë e ajrit të pastër në spitalin e Bostonit qenë të bindur se ajo ishte efektive dhe u përdor edhe në vende të tjera. Nëse raportet e kohës janë korrekte, kjo e reduktoi vdekjen e pacientëve nga  40% në 13%. I njëjti autor vijon më tej argumentimin e tij, se dalja në diell mund ketë ndikuar pozitivisht edhe në aktivizimin e vitaminës D, që ndonëse atëherë nuk njihej ka një efekt pozitiv./Opinion.al

 

Pas