Kryeministri Edi Rama, ditën e sotme, pas përfundimit të mbledhjes së Këshillit të Ministrave në Dibër, ka konfirmuar nisjen e rrugës së Arbërit.
Rama tha se qeveria ka marrë disa vendime, ku më i rëndësishmi është nxitja e turizmit dhe të kemi një infrastrukturë me katër dhe pesë yje.
Ai tregoi se nesër nis prezantimi i projektit për Rrugën e Arbërit, ku është përzgjedhur kompania për ndërtimin e saj dhe ministria është në negociata për për firmosjen përfundimtare të financimit dhe mosndërprerjen e punimeve të kësaj rruge.
“Kush ka kaluar e ka premtuar, kush s’e ka kaluar e ka harruar”,- tha Rama.
Sipas tij, ky është një zotim madhor, për një akt që në këndvështrimin ku Dibra bëhet dhe krijohet një mundësi e madhe për zhvillimin ekonomik.
