Deputetja e PD-së, Dhurata Çupi në një intervistë televizive ka folur në lidhje me protestën e 7 korrikut të thirrur nga kreu i partisë Sali Berisha.
Gjatë intervistës, ajo ka bërë të ditur se do të jetë në protestën e nesërme për të mbështetur të gjithë qytetarët.
“Unë do të jem në protestë. Kam qenë në të gjitha protestat e PD në 30 vite. Por dhe me detyrat e strukturave qendrore kam qenë aktive. Ne kemi protesta të vazhdueshme nga viti 2013-të me kauza të forta, duke denoncuar të gjitha abuzimet e qeverisë, unë do të jem në krah të qytetarëve në çdo protestë”, tha Çupi.
E pyetur nëse Partia Demokratike është e bashkuar në këtë protestë, ajo ka theksuar faktin se bashkimi i PD-së është e rëndësishme dhe se nuk duhet të përçahen në këtë moment.
“Nuk më duket se jemi të bashkuar. Por di të them pa asnjë koment tjetër se do të jem në protestë. Ka shumë rëndësi bashkimi i PD, është imediat bashkimi i PD, është rëndësia kryesore. Përçarja e PD nuk na sjell në pushtet, dhe nuk i sjell qytetarët në mirëqenie”, shtoi deputetja e PD-së, Dhurata Çupi.
