Aktualitet

Dhunoi kuzhinierin,flet një nga autorët:Për fatin e tij të mirë ndërhynë udhëtarë


Bëhu pjesë e Grupit Zyrtar të Opinion.al
>> KËTU <<
               Publikuar në : 12:06 - 22/03/22 |
Opi Nion

Është zbardhur dëshmia e një prej vëllezërve që disa ditë më parë dhunuan kuzhinierin e njohur Indrit Çela.

Ernest Luka ka pranuar se ka qenë një nga personat pjesmarrës në konflikt dhe ka deklaruar se me luzhinierin dy vëllezërit kishin konflikt të vjetër mes tyre.

Sipas Lukës, shkak për ngjarjen është bërë një konflikt i pesë muajve më parë mes dy vëllezërve dhe kunatit të kuzhinierit, me të cilin janë përplasur fizikisht për shkak të një parakalimi makinash, raporton news 24.

“Po e pranoj. Unë dhe im vëlla e rrahëm Indritin. E rrahëm se kishin një konflikt të hapur me të dhe me kunatin e tij, me të cilin disa muaj më parë u përplasëm fizikisht për shkak të një parakalimi makine.

Sapo e pamë se Indriti ishte duke lëvizur me makinë, iu afruam dhe i bllokuam rrugën dhe më pas e rrahëm. Për fatin e tij të mirë ndërhynë disa udhëtarë të tjerë që u ndodhën në ato momente në vendin e ngjarjes”, ka deklaruar mes të tjerash 24-vjecari, i cili u vu në pranga disa orë pas ngjarjes pas një operacioni antidrogë në shtëpinë e tij.

Ndërkohë, Policia po vazhdon kërkimet për arrestimin e Donald Lukës që vazhdon të jetë në kërkim policor. Policia ka kryer kontrolle në zonë por edhe në kryeqytet, ku mendohet të jetë fshehur 27-vjecari, po pa rezultat./Opinion.al

 

Pas