Gjykata e Tiranës ka vendosur masën e sigurisë “Arrest me burg” për 27-vjeçarin R.K, i cili akuzohet se ka dhunuar vajzën e tij të mitur.
Seanca është zhvilluar me dyer të mbyllura, për shkak se pala e dëmtuar është e mitur.
Mësohet se Prokuroria i ka ngritur akuzën për abuzim seksual R.K, por nuk është vërtetuar akoma nëse është abuzuar me të miturën seksualisht, pasi nuk ka mbërritur akoma akt-ekspertimi mjeko-ligjor.
Ngjarja tronditëse ka ndodhur disa ditë më parë, ku babai teksa ka qenë vetëm me vajzën e ka dhunuar rëndë me pretendimin se ajo po e bezdiste.
Dhuna e shkaktuar ndaj të miturës ishte e tillë saqë iu nënshtrua disa ndërhyrjeve mjekësore dhe u vu re se vajza kishte dëmtime të rënda në organet e brendshme. 6-vjeçarja ndodhet ende në Spitalin e Traumës./Opinion.al
