Gazetarja Anila Hoxha ka reaguar në lidhje me deklaratën për media të Policisë së Shtetit për rastin e dhunimit të Xheisiela Malokut nga djali i deputetit socialist, Rrahman Rrahja.
Përmes një shënimi në Facebook, Hoxha pyet se për çfarë arsye Policia nuk tregon se kush e dhunoi vajzën dhe pse nuk është arrestuar ende djali që e keqtrajtoi.
Me nota ironie gazetarja nënvizon se për fat të mirë, të dyja zyrtaret e policisë në poltron ishin femra dhe kjo shton shpresën se ato do të jenë të prirura t’i japin të drejtë denoncueses, si dhe të dyshojnë.
Të mos thonë pastaj, siç më tha dje një polic i Fushë-Krujës: s’dimë si t’a zbardhim se ajo doli duke u puthur nga hoteli me djalin e deputetit. Kur unë e pyeta “po mirë , po çfarë tregon kamera kur çifti hyn në hotel“, ai mu pergjigj “ah nuk e dimë ende se ajo kamera është fshirë”. Dhe m’u kujtua një nga rregullat e kriminalistikës që n’a i kanë mësuar “aty ku fshihet një gjurmë, pikërisht aty fillo të dyshosh së ajo ishte një gjurmë“.
Më tej, ajo deklaron se ka rezerva përsa i përket policit Emiliano Nuhu, pasi për çfarë arsye një nga agjentët më të mirë të infiltrimit n’a e hodhi emrin e vajzës dhe përse nuk tregoi veten që është ndryshe, përse nuk ia ruajti emrin. Ashtu siç edhe për llojin tonë.
Mirëpo, shton ajo, del se Emiliano Nuhu ishte i vetmi që kreu veprimet hetimore dhe na qenka fajtori.
Sipas saj, faji nis që nga Komisariati Nr.3 dhe fajtori kryesor është agjenti Koldashi që mori denoncimin e Xhisiela Malokut dhe e referoi nga Tirana në Krujë.
“Të kontrollohet urgjent edhe ai, ndoshta mund t’i gjendet ndonjë shkelje, nëse nuk i gjendet gjë, bejini analizat e kolesterolit, ndoshta i dalin me vlera të patolerueshme”,-citohet nga shënimi i saj në Facebook.
Ndërsa shton po me ironi, atë Citozin mos e ngacmoni, e lini vetëm me dy rreshta, shkarazi, vetëm kaq: u referua për shpërdorim detyre.
“Mos ma ngisni as shefin e konisariatit të Krujës! As shefin e Fushë-Krujës! Ju lutem! S’kanë faj ata se Nuhu u tremb, Nuhu që ka marrë certifikatë sigurie para një muaj nga ky shtet, që ka marrë pjesë në operacione infiltrimi që nga droga deri tek trafiku i armëve,- shkruan ajo.
Ndërsa shton: Më mirë të vajtojë dje Niko Brahimi, sesa heshtje dje përkrah shefës tënde. Një polic si ti e di fort mirë çdo të thotë të humbasësh një polic si Emiliano Nuhu.
Hoxha u shpreh se policia dje ia hodhi topin Prokurorisë. Sipas saj, dy gratë e policisë ja hodhen një gruaje tjetër të Prokurorisë, pikërisht prokurores Mirela Kapo.
Ajo thekson se si mund të futet policia në detaje se çfarë u hetua mirë e çfarë keq. Ndërsa pyet, nuk është në vlerësim të prokurorisë kjo fazë?
“Tek ai njoftimi keni harruar edhe një shkelje tjetër të Nuhut: kur doli nga lokali ku ishte ulur me kërcënuesit, sipas kamerave duket që ai ju dha doren. Turp ti vijë atij e turp shokëve të tij që pas asaj dite, i rrinin pa orar në shtëpi. Nga dikush po e ruanin, derisa ai çau ferrën dhe iku”,-citohet nga shënimi i saj në rrejtin social Facebook.
Për gazetaren e kronikës në Top Channel, ky nuk është një rast i vetmuar që ndodh me strukturat e shtetit dhe veçanërisht për Policinë e Shtetit.
Një rast i ngjashëm ka qenë në 2009 në qytetin e Elbasanit, kur një biznesmen dhunon bashkëshorten e tij dhe policia u mundua të mbulojë ngjarjen, si dhe një rast po tjetër të ndodhur shumë vite më parë edhe me një vajzë që pretendoi se ishte abuzuar nga disa ushtarë. Të gjitha këto çështje u zvarriten, pati justifikime dhe fshehje të dhënash.
