Lulzim Basha ka publikuar në profilin e tij në Facebook një video nga prishja e shtëpive në zonën e bregut të lumit në Tiranë. Basha thotë se qeveria i ka tradhtuar qytetarët, ndërsa ka paralajmëruar se të gjithë ata që urdhëruan dhe sulmuan me gaz banorët, do të mbajnë përgjegjësi.
“Dhunë, gaz dhe terror nga policia kundër qytetarëve në shtëpitë e tyre! Kjo qeveri i ka tradhëtuar njerëzit e thjeshtë dhe Shqipëria është në mjerim ekonomik, me padrejtësi dhe pasiguri në çdo cep të saj.
Te gjithë ata që urdhëruan, dhunuan dhe sulmuan me gaz në shtëpitë e veta qytetarët dhe fëmijët e tyre në mënyrë kriminale, do të mbajnë përgjegjësi!
Ju bëj thirrje të gjithë shqiptarëve ti dëgjojnë këto këmbana alarmi, të bashkohemi, ti japim dorën njëri-tjetrit për ti dhënë fund këtij regjimi, për të çliruar drejtësinë, e për të garantuar një qeveri që punon për popullin”, ka shkruar Lulzim Basha në Facebook./Opinion.al
https://www.facebook.com/lulzimbasha.al/videos/531488220715292/
