Sport

Dhuna në stadium, reagon Partizani: Akt terrorist i mbetur në tentativë


               Publikuar në : 14:39 - 30/09/19 |
Opi Nion

Ditën e djeshme, pak para nisjes së ndeshjes Tirana-Partizani, tifozeritë e të dyja klubeve u përfshinë një sherr masiv.

Lidhur me këtë ngjarje, policia ka arrestuar një person dhe shpalli dy të tjerë në kërkim. Ndërkohë, ditën e sotme ka ardhur reagimi i klubit të Partizanit, i cili ka dënuar aktet e dhunës si dhe banderolat e përdorura nga tifozët e Tiranës.

Në reagimin e tij, Partizani e ka cilësuar akt terrorist vendosjen e një sasie eksplozivi pranë vendit ku do të qëndronin tifozët e “kuq”.

Po ashtu, fituesit e drebit të Tiranës i kanë bërë thirrje organeve ligjzbatuese që të nisin hetimet dhe të vënë para drejtësisë personat të cilët kanë vendosur sasinë e eksplozivit.

Reagimi

Klubi i Futbollit Partizani denoncon fuqimisht aktet e ndodhura në takimin Tirana – Partizani, i vlefshëm për javën e 6-të të Kategorisë Superiore. Për të disatën herë klubi pritës vazhdon të dështojë në organizimin dhe mbarëvatjen e takimeve derbi. Përtej shfaqjes së banderolave skandaloze, agresionit fizik ndaj tifozerisë së kuqe, hedhjes së sendeve të forta dhe koreve ofenduese, këtë herë është kapërcyer çdo element i sigurisë së organizimit të një aktiviteti sportiv. Një akt i vërtet terrorist i mbetur në tentativë rezultoi të ishte parapërgatitur nga një pjesë e tifozerisë pritëse, e cila do të ishte e pamundur të organizohej pa bashkëpunimin (në rastin më të mirë pasiv) të administratorëve të stadiumit “Selman Stërmasi”. Instalimi i një sasie të konsiderueshme eksplozivi pranë sektorit të mbështetësve të Partizanit konsiderohet një vepër e mirëmenduar kriminale, e cila shënjestron drejtpërsëdrejti jetën dhe shëndetin e të gjithë të pranishmëve dhe posaçërisht të lojtarëve të skuadrës sonë. Klubi e konsideron të papranueshëm faktin që për këtë akt, i cili nëse do të ishte realizuar mund të shënonte një tragjedi me përmasa të frikshme, nuk ka asnjë reagim apo distancim nga KF Tirana si klub organizator i ndeshjes dhe si administratore e stadiumit “Selman Stërmasi”. I bëjmë thirrje organeve ligjzbatuese që të hetojnë plotësisht këtë vepër të rëndë kriminale dhe të vënë përpara përgjegjësisë organizatorët dhe bashkëpunëtorët e këtij akti të paprecedent./ Opinion.al E.Xh.

Pas