Basketbollisti i skuadrës së Tiranës Bruno Daliu ka rënë në prangat e policisë një ditë pas dhunës në takimin Teuta-Tirana që u zhvillua për kampionatin e basketbollit.
34-vjeçari Bruno Daliu është arrestuar për akuzën “Goditja e sportistit,trajnerit, arbitrit e ndërmjetësit sportiv”.
Sipas policisë basketbollisti 34-vjeçar gjatë ndeshjes mes skuadrave të Teutës dhe Tiranës të zhvilluar në pallatin e sportit “Ramazan Njala”, ka goditur me grushta gjyqtarin e ndeshjes, 26-vjeçarin Jurgen Muho.
Materialet i kaluan Prokurorisë së Rrethit Gjyqësor Durrës për veprime të mëtejshme./Opinion.al/
