Sociale

Dhoma e Tregtisë dhe Industrisë: Kriza politike po sjell dëme në ekonomi


               Publikuar në : 13:00 - 20/05/19 |
el ida

Kreu i dhomës së Tregtisë dhe Industrisë, Nikolin Jaka, gjatë një takimi me përfaqësues të shoqatave të sipërmarrjes u bëri thirrje politikanëve të gjejnë një zgjidhje, pasi dëmet në fushën e ekonomisë janë të pallogaritshme.

Sipas tij klasa politike vazhdon të krijojë mosbesim dhe dilema tek qytetarët dhe sipërmarrësit, dhe largon interesin e investitorëve të huaj. Jaka shtoi se duhet të nxirren faturat për dëmet që po shkaktohen nga mungesa e stabilitetit politik dhe konkurencës.

“Klasa politike me krizën e vet të njëpasnjëshme, e cila e shoqëron për një periudhë 30-vjeçare dhe pothuajse është e njëjta precedent veçse ndërrohen kahet vazhdon të krijojë një mosbesim të ndjeshëm edhe te sipërmarrësi edhe tek qytetari. Në këtë lloj situate që aktualisht është krijuar, dilemat janë të mëdha për këdo, për qytetarin, për investitorin. Ajo që është më e rëndësishmja është që ne nuk presim më interesin e investitorëve të huaj apo turistëve për të ardhur në Shqipëri. Jam i bindur që edhe biznesi ka një axhendë për të bërë ashtu si ne sot jemi mbledhur. Jam i sigurt që edhe do mblidhemi për të pasur axhendën e reagimeve përshkallëzimeve të reagimit të sipërmarrjes. Nga ana tjetër, dëmi që ka shkaktuar është shumë i madh.

Në Shqipëri zakonisht nuk jemi mësuar të shohim fatura për dëmet që shkaktohen dhe kjo është një problem më shumë kulturor sesa neglizhent. Është e rëndësishme që ne të nxjerrim faturat që po i shkaktohen ekonomisë, sipërmarrjes dhe qytetarit në raste të tilla në, kur krizat politike janë të tejzgjatura dhe të pakompromisëta. E para mungon stabiliteti politik, mungon konkurrueshmëria. Sapo e përmeddi edhe përfaqësuesja e bashkimit tregtar të Shqipërisë që ka rënë ndjeshëm jo vetëm qarkullimi tregtar, por ndërkohë është rritur në mënyrë të frikshme edhe informaliteti”, tha ndër të tjera Nikolin Jaka, president i Dhomës së Tregtisë dhe Industrisë Tiranë./Opinion.al

Pas