Teksa banorët e Unazës së Re paralajmëruan se sot do të mbanin një protestë rreth orës 18:30, gjatë orës së fundit është rritur ndjeshëm prania e forcave të policisë dhe forcave speciale në atë zonë.
Në pamje shihen disa makina dhe furgona policie. Partia Demokratike e ka quajtur të pajustifikueshme praninë e kaq shumë forcave të policisë. Sipas tyre shumica e banorëve që protestojnë janë gra dhe fëmijë.
Më herët banorët e Unazës së Re paralajmëruan protestë, kundër vendimit të gjykatës për të lënë në burg disa prej protestuesve të arrestuar më herët gjatë javës.
Protestës i është bashkuar edhe kryetari i Partisë Demokratike, Lulzim Basha, i cili e konsideroi vendimin e gjykatës si një vendim politik. /Opinion.al
