Detaje të reja janë zbuluar nga atentati i djeshëm në Durrës ku mbetën të vrarë dy vëllezërit Haxhia.
Nga kqyrja e kamerava të sigurisë policia ka parë se atentatorët kanë qëlluar nga një automjet tip “Toyota” gri e errët në drejtim të golfit ku ndodheshin dy viktimat. Megjithatë në pamjet e kamerave të sigurisë nuk është fikusar targa e automjetit.
Sipas ekspertizës, në momentin që janë qëlluar, makina e dy vëllezërve Haxhia nuk ka qenë duke lëvizur. Mbi ta u qëlluan rreth 55 plumba kallashnikovi.
Besmir dhe Viktor Haxhia me origjinë nga Puka por me banim në Durrës mbetën të vdekur në vend.
36-vjeçari Besmir Haxhia është një emër i skeduar nga drejtësia ndërkombëtare, ai njihej ndryshe me nofkën “Miri i Kolës”, ai ishte dënuar me disa vite për trafik droge, dhe me pas është rikthyer në Durrës.
Ndërsa i vëllai , 27 vjeçari Viktori, ishte avokat me licencë prej 3 vitesh, por pa qenë aktiv në sistemin e drejtësisë. Dy vëllezërit kishin në pronësi prej vitesh, disa biznese në Durrës të cilat kanë qenë në emër të avokatit Viktor Haxhia, pasi Besmiri ishte me precedent penal.
Ata dispononin një pikë makinash me qira, lavash, nje exchange dhe karrotrec automjetesh.
Autorët dyshohet të jenë tre persona nga të cilët kanë qëlluar vetëm dy. Gjatë atentatit njëri prej tyre ka dalë nga makina për tu siguruar se dy vëllezërit kanë vdekur. Kjo mund të jetë arsyeja se përse nga analiza balistike dyshohet se është kryer qitje nga dy pozicione të ndryshme.
Për momentin janë shoqëruar në komisariat mbi 30 persona të cilët po pyeten për ngjarjen. /Opinion.al
