Ka dështuar sërish gjyqi për katër të pandehurit për vrasjen e Marvi Mihalit. Shkak për këtë u bë kërkesa e avokatëve të të pandehurve, të cilit janë shprehur të indinjuar nga fjalët e babait të Marvit, Pavllo Mihali.
Ashtu si edhe javën e kaluar, Pavllo Mihali paralajmëroi se nëse nuk do të vendoset drejtësia në vend për vdekjen e djalit të tij, do të veprojë Kanuni dhe Kurani. Mihali akuzoi edhe avokatët e palës tjetër se janë munduar të shpëtonin disa kriminelë dhe se kanë rendur pas parave.
Pikërisht këto fjalë janë bërë shkak që avokati Sokol Harizaj të kërkonte ndërprerjen e seancës, pasi ishte fyer për shkak të detyrës./Opinion.al
