Aktualitet

Dëshmitë e fëmijëve të Dhurata Saliajt, djali: I shkruante dikujt “të dua”


Bëhu pjesë e Grupit Zyrtar të Opinion.al
>> KËTU <<
               Publikuar në : 13:10 - 07/06/21 |
Opi Nion

Janë zbardhur dëshmitë e tre fëmijëve të Dhurata Saliajt, e akuzuar si bashkëpunëtore me të atin, Mexhit Picari, në vrasjen e bashkëshortit të saj, Kudrejt Saliaj. Edhe pse ajo ka mohuar që të ketë ushtruar dhunë ndaj 3 fëmijëve të saj, dëshmitë e të miturve tregojnë të kundërtën.

Në dosjen e siguruar nga Report Tv, në tetor të 2020, kohë kur Dhurata doli në Gjykatë për akuzën e dhunës në familje, vajza e saj e ka deklaruar se e ëma i rrihte dhe i kërcënonte nëse do i tregonin babait të tyre.

“Vajza e mitur e të kallëzuarës ka deklaruar se në datën 02.10.2020 rreth orës 12:00 ka qenë duke luajtur me vëllanë e vogël në lagje. Ka ardhur babai i saj dhe pasi kanë hyrë në shtëpi ka dëgjuar se ai, babai po i tregonte gjyshes se mamaja e saj kishte folur me persona të ndryshëm. Ajo është shqetësuat dhe ka humbur ndjenjat. Në darkë kur po qëndronte në shtëpi ka dëgjuat se mamaja e saj ka telefonuar gjyshen dhe ka kanosur me fjalë se po ju vendos njerëz nga prapa për t’ju vrarë. Gjithashtu, kjo shtetase deklaron se mamaja e saj ka rreth 3 muaj që nuk sillet mirë me të vëllanë e vogël, i kanos me fjalë, e ka qëlluar në fytyrë, e ka pickuar ndërsa vëllanë e ka goditur me brryl në pjesën e sipërme të vetullës dhe më pas i ka thënë nëse i tregon babait do të hedh nga ballkoni”, thuhet në dëshminë e vajzës.

Sikurse është bërë me dije dhe më herët çifti, Dhurata dhe Kudreti kanë akuzuar njëri-tjetrin për tradhti bashkëshortore dhe për një detaj të tillë flet dhe djali i vogël. Ai deklaron se ka lexuar mesazhe në celularin e nënës së tij që i thoshte të dua dikujt një personi tjetër dhe i kërkonte që të takoheshin, dhe prandaj e rrihte pasi i kishte zbuluar këto biseda.

“Mamaja nuk sillet mirë me mua, më godet dhe më ka thënë do të vras do të mbys me litar. Kam parë disa mesazhe që ajo i dërgon personave të ndryshëm ku i shkruante ‘o zemra ime, te dua shumë, kur do të takohemi’ dhe për këtë ajo sillet ashpër me mua”, ka deklaruar para gjykatës djali i mitur.

Sakaq detaje të reja kanë dalë lidhur me vrasjen. Dy ditë para vrasjes së ish-dhëndrit, Mexhit Picari është konfliktuar me viktimën e tij pasi Kudret Saliaj ka nxjerrë nga shtëpia rrobat e ish-gruas së tij. Ndërsa vrasësi ka pretenduar se rrobat s’kanë qenë të gjitha dhe mungonin edhe disa florinj.

Ditën që ndodhi ngjarja Mexhit Picari dhe e bija, Dhurata Saliaj, kanë vëzhguar për rreth 30 minuta para vrasjes të gjitha lëvizjet e Saliajt, dhe kanë bashkëpunuar së bashku. Po ashtu, babë e bijë kanë bërë deklarata kontradiktore para hetuesve, duke mos qenë koherent në deklarime, gjë që ka bërë që policia të dyshojë se Dhurata Saliaj është implikuar në vrasje. Picari ka deklaruar që në lokal ka qenë i ulur në një prej tavolinave i vetëm, përkundër deklarimeve të Dhuratës, e cila ka thënë se ka qenë me të atin në tavolinë.

Mexhit Picari është shprehur se kur po qëndronte në tavolinë është futur në lokal Kudreti, i cili sipas Picarit, është afruar dhe e ka sharë. Picari më tej është shprehur se duke ditur sa i dhunshëm është Kudreti, ka nxjerrë armën, të cilën e kisha pa karikator.“E kam mbushur, kam vendosur karikatorin dhe më pas kam qëlluar në drejtim të dhëndrit”, ka deklaruar ai.

Kudret Saliaj ka qenë në ambientet e lokalit në shoqërinë e avokatit, që mbeti i plagosur dhe të psikologes. Kësaj të fundit, nga tronditja fillimisht i ka rënë të fikët dhe është përmendur pak momente më vonë.

Ndërkohë pritet të mbahet seanca për masën e sigurisë për Mexhit Picarin dhe Dhurata Saliaj, të dy të arrestuar nga policia, ndërsa Prokuroria e Tiranës pritet të kërkojë për të dy, babë e bijë, masën e sigurimit personal “arrest me burg”. Akuza për Dhuratën pritet të jetë ajo e bashkëpunimit në vrasje, pasi ka pamje filmike dhe prova që janë administruar nga akuza për vëzhgimin e viktimës nga dy të arrestuarit./Opinion.al

 

 

 

Pas