Në këto momente në Gjykatën e Shkallës së Parë në Durrës, por zhvillohet seanca për masën e sigurisë ndaj 7 adoleshentëve të cilët akuzohen se kanë kryer marrëdhënie seksuale kundër dëshirës me një vajzë minorene të moshës 13 vjeç.
Ngjarja sikundër është raportuar më herët ka ndodhur në periudha të ndryshme në shkollën 9 vjeçare “Rilindja” në Kavajë.
Sipas dëshmive që po japin aktualisht adoleshentët në Gjykatë, për të kryer marrëdhënie me vajzën, ata përdornin shtëpitë e tyre, gjatë periudhës kur prindërit nuk ishin në banesë.
Fillimisht vajza ka pasur lidhje dashurie me një nga nxënësit, i cili ka filmuar momente intime.
Më pas i dashuri i vajzës e ka shantazhuar minorenen, duke i thënë se nëse nuk donte që ti publikonte videon, duhet të kryente marrëdhënie edhe me shokët e tij.
Të përfshirë deri më tani në këtë histori janë 8 adoleshentë, dy nga të cilët nxënës gjimnazi.
Por dyshohet se numri i personave të përfshirë në këtë skandal është më i gjerë.
Sipas dëshmive, vajza shkonte çdo ditë në njërën nga shtëpitë e adoleshentëve, sa herë ata i bënin presion me videon.
Lidhur mbi këtë ngjarje në hetim është marrë edhe mësuesja kujdestare si edhe drejtoresha e shkollës, që janë shprehur se nuk kishin dijeni për ngjarjen. D.l
