Shqytrimi i dekretit të Presidentit Meta për kthimin për rishyrtim të ligjit për ndryshime në Kodin Penal u zhvillua mes debatesh por në fund mazhoranca vendosi ta rrëzonte edhe këtë dekret duke votuar 8 pro dhe 2 kundër në Komision.
Këshilltari ligjor i presidentit, Bledar Dervishaj deklaroi se nga janari I këtij viti presidenti Ilir Meta ka kthyer për shqyrtim 19 dekrete, nga ku është dërguar në Kushtetuese vetëm ligji për Teatrin. Në lidhje me këtë cëshje ai ka patur një debat me deputetin Spartak Braho.
Dervishaj: 19 dekrete, janë trajtuar 197 ligje. Janë kthyer për rishqyrtim 19 dekrete. Në Kushtetuese është dërguar vetëm dekreti për ligjin e teatrit dhe po shqyrtohet mundësia për t’i dërguar edhe ligjet e tjera se jemi ende në kohë.
Spaho: Është pak e rëndë kjo punë, pse nuk i drejtoheni gjykatës kushtetuese.
Dervishaj: Po të kishim gjykatë Kushtetuese funksionale do kishim dërguar të gjitha ligjet.
Braho: Vendim ti s’duhet ta thoje këtë. Ka qenë, s’është, po do jetë.
Dervishaj: Kur të jetë atëherë po.
Ministrja e Drejtësisë, Etilda Gjonaj ka qenë e pranishme në diskutim ku dhe ka replikuar me Dervishajn në lidhje me argumentat e presidentit Meta.
“Ndryshimet që janë propozuar në Kodin Penal kanë pasur si qëllim luftën pa kompromis ndaj kriminalitetit. Duke pasur në konsideratë që ka pasur mungesë të instrumenteve për të luftuar forma të reja të krimit, janë sjellë këto ndryshime. Ky projektligj ka një rëndësi të veçantë. Ashpërsimi i veprës penale nuk është e vetmja rrugë, por nga nevoja e mbrojtjes së të drejtave të qytetarëve, u sollën këto ndryshime”, tha Gjonaj. /Opinion.al
