Sociale

Denoncimi/I dënuar gabimisht, babai i 2 fëmijeve mbahet në burgun e Fierit


Bëhu pjesë e Grupit Zyrtar të Opinion.al
>> KËTU <<
               Publikuar në : 22:22 - 27/05/21 |
Opi Nion

Ylli Hida nga Selba e Dajtit është 37 vjeç dhe baba i dy fëmijëve. Më 13 Janar 2021 teksa ishte në fabrikën e këpucëve ku punon që nga viti 2011, e arrestojnë për llogari të ekzekutimit të një vendimi të Gjykatës së Durrësit të vitit 2015, që kishte në thelb dënimin në mungesë me 7 vjet heqje lirie për kultivim kanabisi.

“I jam drejtuar emisionit sepse më kanë bërë një padrejtësi. Më kanë arrestuar vëllain në 2021-shin ndërkohë që ka qenë në marrëdhënie pune, pa shkëputje. Është dënuar në mungesë me 7 vjet.

Sikur ky ka qenë kultivues dhe shpërndarës i tyre. Vëllai im ka ardhur në 2011 në Shqipëri. Ka qenë në Greqi, ka qenë pa dokumente. Ka filluar punë tek kjo firmë ku edhe e arrestoi policia. Ne nuk e njohim drogën, plus nuk e dimë hiç atë zonë. E kemi marrë në telefon, por çfarë të thotë. Si një i dënuar që është i pafajshëm”, tha vëllai i të dënuarit.

37-vjeçari ndodhet në burgun e Fierit dhe pretendon se është i pafajshëm ndaj dhe përmes avokatit të tij, ka bërë kërkesë për rishikim vendimi.

Emisioni “Stop” analizoi dosjen. Aty kuptohet qartë që bëhet fjalë për një të dënuar gabimisht. I pandehuri dhe personi ndaj të cilit është kërkuar arrestimi dhe dënimi, në të vërtetë është një qytetar tjetër me të njëjtin emër. Emri është i njëjtë, Ylli Hida, por krimineli i vërtetë është i biri i Ramazanit dhe Ermirës me vit lindjeje 1990. Ndërsa identiteti i të riut që qëndron në qeli gabimisht, është Ylli Hida, i biri i Hamza dhe Fëllënxa dhe me vit lindjeje 1984.

Veç kësaj, numri i telefonit i përgjuar, sipas kompanisë celulare, nuk i përket familjes Hida. Ata kanë marrë një vërtetim ku e vërtetojnë këtë gjë. I gjithë procesi ka probleme. Emrat janë shënuar gabim. Në dosje thuhet se Ylli Hida, i biri i Hamzait dhe i Fëllënxës, ka 12 klasë shkollë, por kjo është gabim.

“Ai 8 klasë mezi i ka mbaruar kurse në dokumentet e gjykatës thotë 12”, tha vëllai.

Provë tjetër është vërtetimi i punës, që fakton se Ylli Hida nga Selba e Dajtit, që prej vitit 2011 e deri më 13 Janar 2021, ditën e arrestimit, ishte në marrëdhënie pune në një fabrikë këpucësh.

Avokati mbrojtës, Agim Bega, shpjegoi se ka bërë kërkesë për rishikim vendimi në gjykatën e Durrësit me prova të reja si: certifikatë personale ose familjare  të Ylli Hidës, që nuk ndodhet në dosje.

Agim Bega: Në momentin, që është arrestuar, ne kemi bërë kërkesë për rivendosje në afat të ankimit, Shkalla e Parë. Është pranuar kërkesa për rivendosje në afat. Njëkohësisht ne bëmë edhe kërkesë për rishikim, se kishim një provë të re. Aspektet proceduriale janë shfrytëzuar në maksimum. Rishikimi është në Gjykatën e Apelit Durrës. Ka marrë njoftim një i panjohur, një person i paidentifikuar. Kur është bërë gjyqi në Shkallën e Parë, nuk është shfrytëzuar ligji, që thotë: “Zotëri, kush është ky, që ka marrë dijeni për këtë punë”? Ata kanë bërë një firmë, për të kaluar kohën dhe kanë vazhduar procesin. Në këtë moment, që është konfirmuar gjoja, nga një oficer, që ai, nuk e di, ka qenë në burg më duket për këto punë, një OPGJ.

Gazetar: Ka qenë në burg ky OPGJ?

Agim Bega: Po, për këto pelivanllëqe, që ka bërë. Megjithatë, ne nuk i dimë pozitat e tij, është një aspekt tjetër.

Gazetar: Megjithatë avokat mund të themi se po mbahet kot së koti një i akuzuar në burg?

Agim Bega: Për mua është një paturpësi e madhe. Unë nuk kërkoj dot zëvendësim mase, tani, kjo më ka mbërthyer, se duhet të fillojë procesi i parë. Të kërkoj zëvendësim mase, të paktën! /tvklan.al

Pas