Gjykata e Tiranës ka dënuar me 9 muaj burg ish-gjyqtarin e Gjykatës së Lartë, Admir Thanza për falsifikim të formularëve.
Ish-anëtari i Gjykatës së Lartë u shpall fajtor, pasi fshehu në formularin e dekriminalizimit, një dënim për vjedhje që kishte marrë në Itali në vitin 1999.
Admir Thanza nuk do të shkojë asnjë ditë në qeli, pasi gjykata vendosi pezullimin e dënimit me burg dhe lënien e tij për 18 muaj në shërbim prove.
“Nuk e kam falsifikuar formularin e dekriminalizimit, nuk kam fshehur asnjë denim. Nuk kam asnjë dënim penal nga Italia, por një sanksion të dhënë me marrëveshje për një vepër që s’e kam kryer”, ka deklaruar Thanza para trupit gjykues.
Prokuroria e Tiranës kishte kërkuar 1 vit e 6 muaj burg për ish-gjyqtarin e karrierës Admir Thanza./ Opinion.al
