Delegacioni i OSBE-së në Shqipëri ka reaguar lidhur me vendimin e kryeministrit Edi Rama për të përjashtuar për 3 muaj një gazetar, nga konferencat e qeverisë.
Në disa poste në “Twitter”, OSBE theksohet se e drejta e gazetarëve për të pyetur dhe investiguar është shtyllë themelore e shoqërive demokratike.
“E drejta e gazetarëve për të kërkuar, marrë dhe dhënë lirisht informacionin e mbajtur nga organet publike është një pjesë integrale e punës së tyre dhe një shtyllë themelore e çdo shoqërie demokratike. Nuk ka siguri pa lirinë e medias”,-shkruhet në një reagim.
Ndërkohë në postimin pasardhës nënvizohet se OSBE do të mbështesë vazhdimisht gazetarët dhe reporterët, pasi roli i tyre është vendimtar për t’i bërë proceset vendimmarrëse, më transparente dhe demokratike.
“Liria e #medias dhe aftësia e #gazetarëve për të raportuar lirshëm për çështje me interes publik është një nga treguesit thelbësorë të #demokracisë. (1/2) #OSBE është fuqimisht e përkushtuar ndaj rolit të #gazetarëve në aspektin jetik të proceseve vendimmarrëse të mirëinformuara, transparente, të përgjegjshme dhe demokratike në #Shqipëri. (2/2)”,-nënvizon OSBE.
The right of journalists to freely seek, receive and impart information held by public bodies is an integral part of their work and a fundamental pillar of any democratic society. There is no security without media freedom. https://t.co/sVNtPOIYlI
— OSCE media freedom (@OSCE_RFoM) July 8, 2022
Freedom of #media & ability of #journalists to report freely on matters of public interest is one of the crucial indicators of #democracy. (1/2)
— OSCE Presence in Albania (@OSCEinAlbania) July 7, 2022
