Një vit pas tërmetit të 26 nëntorit, Prokuroria pranë Gjykatës së shkallës së parë Krujë ka regjistruar procedim penal për dëmtimet e konstatuara në shkollën Ramazan Jangozi në Thumanë.
Pas kryerjes së një sërë veprimesh hetimore, Prokuroria e Krujës ka vendosur nën hetim 10 persona, mbi të cilët rëndojnë akuzat e “shpërdorimit të detyrës”, “falsifikimit të dokumenteve” dhe “falsifikimit të formularëve dhe stampave”.
Këta persona rezultojnë të kenë pasur funksione si: projektues, mbikëqyrës, kolaudatorë, administratorë persona juridikë dhe funksionarë të bashkisë Krujë.
Shkolla Ramazan Jangozi kishte pësuar dëmtime që në tërmetin e 21 shtatorit ndërsa u rikonstruktua nga një kompani e cila dyshohet se ishte e regjistruar në emrin e një personi të dënuar.
Mësohet se në lidhje me dosjen janë marrë në pyetje disa persona që mund të kenë dijeni për veprën penale dhe është administruar akti i ekspertimit./ Opinion.al
