Drejtoria Arsimore e Tiranës publikoi së fundmi renditjen e shkollave të mesme më të mira në Tiranë për vitin shkollor 2015-2016. Vlerësimi i 39 shkollave të mesme publike dhe private u krye bazuar në kritere si: nota mesatare e provimeve të maturës, frekuenca e orëve të mësimit, përqindja e nxënësve të larguar përkundrejt atyre të regjistruar në fillim të vitit shkollor, rezultatet e mësuesve në provimet e kualifikimit etj.
Klasifikimin e shkollave publike e kryeson gjimnazi “Sami Frashëri”, i cili ndiqet nga “Ismail Qemali”, “Qemal Stafa”, “Petro Nini Luarasi” dhe “Andon Zako Çajupi”.
Ndërsa ndërmjet atyre jopublike, performancë më të mirë ka patur shkolla “Ernest Koliqi”, e ndjekur nga “Mehmet Akif” (vajza), “Faik Konica”, “Mehmet Akif” (djem) dhe “Arsakeio”.
Burimi:Ballkanweb
