-U tha në Opinion

Dekriminalizimi/ Vishaj: Agron Malaj nuk duhej kandiduar me atë dënim


               Publikuar në : 23:10 - 20/01/20 |
Geljano Fataj

Njësia e dekriminalizimit pranë Prokurorisë së Përgjithshme ka nisur verifikimet mbi të shkuarën e Agron Malajt, sot kryetar bashkie në Burrel, i dalë nga zgjedhjet e 30 qershorit.

Sipas prokurorisë në hetime do të përfshihen vendimet penale të dhëna ndaj zyrtarit të lartë të Bashkisë i paditur nga PD, si person me të shkuar kriminale, dhe shkelës i ligjit për dekriminalizimin.

Në këtë hetim do të përfshihen edhe të gjitha materialet zyrtare nga ana e komisionit qendrorë të zgjedhjeve. Mes të cilave edhe një dokument të majit të vitit të shkuar, një muaj para mbajtjes së zgjedhjeve vendore, ku rezulton se Komisioni Qendror i Zgjedhjeve, i ka kërkuar informacion zyrës gjyqësore të Matit, për kandidatin në fjalë. Nisma u mor pasi ky i fundit, e kishte shënuar në formularin e dekriminalizimit veprën si “Armëmbajtje pa leje”.

Por sipas avokatit të njohur Saimir Vishaj, me këtë vendim Gjykatë, zoti Agron Malaj nuk duhet të ishte lejuar të kandidonte.

Saimir Vishaj: Mendoj që precedenti dhe praktika gjyqësore janë dy gjëra krejt të kundërta. Nuk mund të krijosh precedent në kundërshtim me ligjin. Ligji i dekriminalizimit në dispozitën e vet “armëmbajtje pa leje” nuk të lejon për të kandiduar. Kjo nuk ka diskutim, nuk mund asnjë gjykatës i shkallës së para, as i shkallës së dytë të krijoj precedent. Për ne që jemi në jurispodent është kolegjet e bashkuara ose kolegjet e Gjykatës së Lartë, vendimet e së cilës janë të detyruar nga të gjitha shkallët. Një vendim i Gjykatës së Shkallës së Parë dhe së Apelit kurrsesi, është një vendim subjektiv, por kurrë një gjyqtar nuk mund të marrë vendim. Armëmbajtja pa leje që parashikohet nga neni 278 i Kodit Penal nuk të jep mundësi për të kandiduar. Kambanat duhet që të bien që nesër, sepse ka akoma njerëz që mund t’i kap dhe thonë do zoti nuk zbulohemi, nuk mund të shkohet në Shqipëri kështu. Në Shqipëri, ky ligj i dekriminalizimit që është më i ashpër sot për sot në BE apo në të gjithë globin, ky duhet zbatuar, si për të kuq ashtu dhe për blu  se bashkë e kanë votuar./ Opinion.al 

Pas