-U tha në Opinion

Dekoratë nëse hapen negociatat për Ramën, Berisha: Një ngjalë më mirë!


               Publikuar në : 22:52 - 12/09/19 |
geliano fataj

Me ironi presidenti Ilir Meta tha të mërkurën se nëse hapen negociatat, kryeministrit Edi Rama do ti jepte një dekoratë. Këtë të enjte, në emisionin Opinion Sali Berisha u pyet për këtë çështje, teksa theksoi: Në fakt të isha në vend të Ilir Metës i premtoja një ngjalë jo dekoratë.

Sa i përket vizitës së Edi Ramës në Berlin, Berisha tha se ka shkuar për një ekspozitë pikture dhe se i ka kërkuar takim kancelares Angela Merkel.

“Ka shkuar një ekspozitë pikture. Është e vërtetë do takohet. Ka kërkuar dhe i ka dhënë takim, normal. Meqë jam këtu pas zhgaravinave, i ka dhënë takim. Të jesh i sigurt për këtë. Edi Rama mori një dekoratë nga Aleksandër Vuçiç, urdhrin e Esat Toptanit. Ai mund të marrë dhe urdhrin e Zografit”, tha Berisha.

Sa i përket negociatave, Berisha tha se ato mund të jenë me kushte shtesë.

“Sepse është shumë normale. Sepse rruga e vetme për ta mbajtur derën hapur, janë këto kushte. Maqedonia e Veriut e ka më të favorshme situatën”, tha Berisha.

Në lidhje me kërcënimin e Athinës zyrtare, Berisha tha se nuk i vinte mirë, për më tepër që është një vend fqinj./ Opinion.al

Pas