Gazetarja e ‘ABC News’, Mimoza Koçiu ka reaguar edhe njëherë tjetër në lidhje me komunikatën e QSUT-së për sorollatjen e pacientëve me planifikime të ndryshme vetëm për një ekzaminim.
Nëpërmjet një shënimi në profilin e saj në facebook, Koçiu shkruan se sqarimi është vetëm justifikues, e fatkeqësisht për pacientët, situata duket se nuk do ndryshojë!
““Në vijim të fushatave informuese për publikun dhe qytetarët, që kërkojnë të marrin shërbim mjekësor pranë QSUT, për të lehtësuar komunikimin dhe për t’u ardhur atyre në ndihmë, informon…” shkruan QSUT, takimet mund të planifikohen me telefon apo online. Bukur që paskërka pasur fushatë informuese, e nuk e paskemi mësuar, po përse vallë pacientit që ndeshet së pari me këtë procedurë të ndryshuar, i thuhet tek recepsioni i Onkologjikut:”Duhet të vish vetë! Por nëse personi i sëmurë është i pamundur, mund të vijë një i afërm për rezervim!”? Nuk e kanë këtë informacion aty? A ka pacient që do parapëlqente të vinte fizikisht, nëse do i tregohej kjo mundësi? As në dokumentin që jepet pasi bën planifikimin fizikisht, nuk thuhet se ekziston mundësia e prenotimit online. Dokumenti ka vetëm nje numer jeshil në fund të tij, me specifikimin “Për pyetje dhe informacione të mëtejshme”. Kaq!”, shkruan ajo.
Ndër të tjera, Koçiu pyet se për çfarë arsye QSUT nuk tregon ‘kleçkën’ tek rezervimi online? Sipas saj, pas një kërkimi, mund të planifikohej online vetëm llojet e analizave nga citoskopia deri tek spirometria. Ajo shkruan, nëse kërkon të planifikosh ekzaminimin me mjekun që të ndjek, nuk ke shanse.
“Mundësia e vetme është planifikimi fizikisht tek Onkologjiku: “Nëse keni preferenca për mjekun konsultues ju lutemi mos vazhdoni më tej me rezervimin online dhe paraqituni pranë zyrës së informacionit në qendrën e konsultave të QSUT për të bërë rezervimin tuaj”, shkruhet e zezë mbi të bardhë, në portalin e QSUT, që e konsideroka “preferencial” mjekun që ndjek pacientin e onkologjikut. Pra pacienti duhet të shkojë të bëjë fizikisht planifikimin e konsultës perdiodike me mjekun që e ndjek!
Pjesa tjetër, ajo e sorollatjes nuk sqarohet fare nga QSUT. Pse u ndryshua sistemi i mëparshëm që funksiononte? Paraqitej pacienti, merrte numrin dhe kryente ekzaminimet që i nevojiteshin, sipas rekomandimit të mjekut. Një proces që merrte kohë për shkak të fluksit të njerëzve, e jo mungesës së gadishmërisë së mjekëve, por ama kryhej brenda ditës e pacienti kthehej në qytetin e vet me ekzaminim të kryer plotësisht, edhe me analizat përkatëse”, shkruan Koçiu.
Ajo thekson se ka pafund pacientë të trajtuar e operuar, që bëjnë ekzaminim prej shumë vitesh, atë që quhet kontroll periodik, që nuk është aspak ‘ekzaminim shtesë’, e që ky ‘stili’ i ri e ndan; një ditë caktimi fizikisht i datës së konsultës me mjekun që të ndjek, një ditë analizë gjaku e konsultë me mjekun, e një ditë tjetër eko-ja.
“Ky është protokoll rutinë, e jo “ekzaminim shtesë”. Dhe nuk është e vërtetë se krijohet mundësi për ta kryer brenda ditës, pasi të drejtojnë tek recepsioni për të planifikuar fizikisht një ditë tjetër. E vërtetuar me documentin e QSUT kjo. E zakonisht planifikimi nuk bëhet para 10 ditësh,(me document 2 javë më vonë). Pra pacientit, (ta zemë nga Berati, por mund të ketë edhe nga Saranda) I duhet të kthehet në qytetin e vet, e të rikthehet prapë tek Onkologjiku për etapën e rradhës të një ekzaminimi, që të paktën deri më 6 Qershor 2016 (e vërtetuar me document të QSUT), bëhej brenda ditës”, shkruan Koçiu.
Në fund të shënimit, gazetarja Koçiu ka theksuar se pavarësisht se statistika e QSUT-së janë mbresuese, për kundër kësaj, pacientët nuk janë shifra, sidomos pacientët e këtij lloji.
“Shkoni e dëgjojini vetë pacientët, se si u shfryjnë pa të drejtë mjekëve, për shkak të kësaj sorollatjeje. E provojnë vetë në kurriz, pa statistika natyrisht! Ndryshojeni këtë situatë, se e keni në dorë ta bëni! Komunikoni me pacientët që t’ua lehtësoni këtë proces, e jo t’I demotivoni me këto ecejake, deri sa të heqin dorë!”, shkruan Koçiu.
Ne link shkrimi i gazetares Mimoza Koçiu: http://opinion.al/po-si-mund-tua-besh-edhe-kete-pacienteve-te-onkologjikut-zoti-mos-ju-falte-se-e-dini-se-cbeni/
Reagimi i QSUT-së vetëm pak orë pasi shkrimi i gazetares Koçiu u botua në Opinion.al: http://opinion.al/tortura-e-pacienteve-me-kancer-reagon-qsut-ja-vizitat-rezervohen-me-telefon/
Shënimi i ditës së sotme i gazetares Mimoza Koçiu si më poshtë vijon:
Titulli: PACIENTET E ONKOLOGJIKUT JANE NJEREZ NE HALL JETE, JO SHIFRA STATISTIKASH!
Gjë shumë e mirë që QSUT pati ndjeshmëri pas postimit tim të djeshëm në FB për sorollatjen e pacientëve me planifikime të ndryshme vetëm për një ekzaminim. Por sqarimi është vetëm justifikues, e fatkeqësisht për pacientët, situata duket se nuk do ndryshojë! “Në vijim të fushatave informuese për publikun dhe qytetarët, që kërkojnë të marrin shërbim mjekësor pranë QSUT, për të lehtësuar komunikimin dhe për t’u ardhur atyre në ndihmë, informon…” shkruan QSUT, takimet mund të planifikohen me telefon apo online. Bukur që paskërka pasur fushatë informuese, e nuk e paskemi mësuar, po përse vallë pacientit që ndeshet së pari me këtë procedurë të ndryshuar, i thuhet tek recepsioni i Onkologjikut:”Duhet të vish vetë! Por nëse personi i sëmurë është i pamundur, mund të vijë një i afërm për rezervim!”? Nuk e kanë këtë informacion aty? A ka pacient që do parapëlqente të vinte fizikisht, nëse do I tregohej kjo mundësi? As në dokumentin që jepet pasi bën planifikimin fizikisht, nuk thuhet se ekziston mundësia e prenotimit online. Dokumenti ka vetëm nje numer jeshil në fund të tij, me specifikimin “Për pyetje dhe informacione të mëtejshme”. Kaq!
Përse QSUT nuk tregon “kleckën” tek rezervimi online? Teksa do përgëzoja këtë mënyrë, që u kursen kohë dhe para udhëtimi pacientëve nga rrethet, bëra një verifikim personalisht tek “platforma elektronike” e sugjeruar nga QSUT, dhe gjejeni se cfarë mund të planifikohej online? Vetëm llojet e analizave, nga citoskopia deri tek spirometria! Por nëse kërkon të planifikosh ekzaminimin me mjekun që të ndjek (të tillë janë pacientët e onkologjikut, duhet të jetë edhe në statistika kjo), nuk ke shanse. Mundësia e vetme është planifikimi fizikisht tek Onkologjiku: “Nëse keni preferenca për mjekun konsultues ju lutemi mos vazhdoni më tej me rezervimin online dhe paraqituni pranë zyrës së informacionit në qendrën e konsultave të QSUT për të bërë rezervimin tuaj”, shkruhet e zezë mbi të bardhë, në portalin e QSUT, që e konsideroka “preferencial” mjekun që ndjek pacientin e onkologjikut. Pra pacienti duhet të shkojë të bëjë fizikisht planifikimin e konsultës perdiodike me mjekun që e ndjek!
Pjesa tjetër, ajo e sorollatjes nuk sqarohet fare nga QSUT. Pse u ndryshua sistemi i mëparshëm që funksiononte? Paraqitej pacienti, merrte numrin dhe kryente ekzaminimet që i nevojiteshin, sipas rekomandimit të mjekut. Një proces që merrte kohë për shkak të fluksit të njerëzve, e jo mungesës së gadishmërisë së mjekëve, por ama kryhej brenda ditës e pacienti kthehej në qytetin e vet me ekzaminim të kryer plotësisht, edhe me analizat përkatëse. A e di QSUT, se ka pa fund pacientë të trajtuar e operuar, që bëjnë ekzaminim prej shumë vitesh (12 vjet kishte një zonjë që po priste planifikim dje), atë që quhet kontroll periodik, që nuk është aspak “ekzaminim shtesë”, e që ky “stili” I ri e ndan: një ditë caktimi fizikisht i datës së konsultës me mjekun që të ndjek, një ditë analizë gjaku e konsultë me mjekun, e një ditë tjetër eko-ja. Ky është protokoll rutinë, e jo “ekzaminim shtesë”. Dhe nuk është e vërtetë se krijohet mundësi për ta kryer brenda ditës, pasi të drejtojnë tek recepsioni për të planifikuar fizikisht një ditë tjetër. E vërtetuar me documentin e QSUT kjo. E zakonisht planifikimi nuk bëhet para 10 ditësh,(me document 2 javë më vonë). Pra pacientit, (ta zemë nga Berati, por mund të ketë edhe nga Saranda) I duhet të kthehet në qytetin e vet, e të rikthehet prapë tek Onkologjiku për etapën e rradhës të një ekzaminimi, që të paktën deri më 6 Qershor 2016 (e vërtetuar me document të QSUT), bëhej brenda ditës.
Mbresuese statistikat e QSUT…por pacientët nuk janë shifra të nderuar zotërinj, sidomos ata lloj pacientësh, që gjendjen emocionale, motivimin e kanë po aq jetik, sa edhe ilacet tumorale, që thjesht u zgjasin disa vite jetë. Shkoni e dëgjojini vetë pacientët, se si u shfryjnë pa të drejtë mjekëve, për shkak të kësaj sorollatjeje. E provojnë vetë në kurriz, pa statistika natyrisht! Ndryshojeni këtë situatë, se e keni në dorë ta bëni! Komunikoni me pacientët që t’ua lehtësoni këtë proces, e jo t’I demotivoni me këto ecejake, deri sa të heqin dorë!
