Deputetja e Partisë Socialiste, Ermonela Felaj thotë se presidenti Ilir Meta po ngatërron rolin e tij, duke i zënë vendin opozitës. Nga Abc news zonja Felaj komentoi deklarata e kreut të shtetit.
“Nuk është se kam një koment mirëfilli për atë që ka deklaruar Presidenti, por më lejoni të them që është e paqartë çfarë ka dashur të bëjë presidenti. Gjithnjë e më shumë po ngatërron rolin me opozitën. Ajo që po kërkohet të destabilizohet është rendi dhe siguria në vend”, tha Felaj,
Deputetja e PS-së tha se iniciatori i dhunës në protestën e 16 Marsit ishte kreu i PD-së, Lulzim Basha. Ajo theksoi se dhuna nuk mund të jetë justifikim për zhvillimin e një proteste. Për sa i përket dialogut me opozitën, Felaj tha se në tavolinë mund të ulet kushdo dhe opozita nuk mund të verë kushte. /Opinion.al
LEXO EDHE- Si ti kuptojmë mesazhet e Ilir Metës
