Zonat veriore dhe verilindore të vendit janë përfshirë nga reshjet e dëborës këtë mëngjes.
Në rrugën e Kombit pati vështirësi në qarkullim, për pasojë janë shënuar dy aksidente, ndërsa në daljen e fshatit Fan një mjet tjetër doli nga rruga, fatmirësisht pa pasoja.
Edhë në zonat e qarkut të Shkodrës ka prezencë të dëborës.
Sipas autoriteteve rrugët janë të hapura ndërsa qarkullimi i automjeteve duhet të kryhet me goma dimërore. Ndërsa pjesa tjetër e territorit ka mot të paqëndrueshëm.
“Parashikohet që edhe dita e nesërme të mbetet e paqëndrueshme. Nesër do jenë zonat juglindore që do marrin reshje dëbore dhe reshjte të pakta shiu pjesa tjetër e territorit”,shprehet sinoptikanja Lajda Porja.
Reshjet ndërpriten të mërkurën, dhe rikthehen kthjellimet në të gjithë territorin shqiptar.
“Pritet të depërtojë një masë e ftohtë, do kemi mot të thatë”, tha Porja.
Për pasojë temperaturat do të bien ndjeshëm, sidomos në orët e para të mëngjesit.
“Do të shkojnë edhe në minus 7 gradë minimalet, dhe maksimalet jo më shumë se 11 apo 12 gradë Celsius”, thekson sinoptikanja.
Kjo javë do të ketë edhe ditët e fundit të ftohta për këtë dimër.
Tv Klan
