Aktualitet

Dëborë në Dardhë, Balluku inspekton rrugët: Janë të gjitha të kalueshme


Bëhu pjesë e Grupit Zyrtar të Opinion.al
>> KËTU <<
               Publikuar në : 21:04 - 10/12/21 |
Opi Nion

Pasditen e sotme ministrja e Infrastrukturës dhe Energjisë, Belinda Balluku së bashku me drejtorin  Autoritetit Rrugor Shqiptar , kanë inspektuar zonën e Dardhës të qarkut Korçë, masat e marra për qarkullimin e automjeteve normalisht pas reshjeve të shiut dhe dëborës.

Balluku është shprehur se deri më tani situata është menaxhuar mirë. Ministrja e Infrastrukturës dhe Energjisë tha se po punohet edhe gjatë orëve të natës, teksa për të mbajtur të hapura rrugët nga dëbora.

“Pavarësisht mirëmbajtjes që ne bëjmë, e cila është konstante dhe gjatë këtij viti, deri më tani nuk kemi pasur asnjë eksperiencë të rrugëve të bllokuara. Grupi i emergjencave në ARRSH funksionon totalisht. Jemi të gjithë në kontakt me njëri-tjetrin, bëjmë raporte të përditshme për të kontrolluar të gjitha zonat, por nga ana tjetër duhet thënë që duhet padyshim kujdes nga të gjithë drejtuesit e automjeteve dhe çfarë është më e rëndësishme duhet që patjetër të përmbushin kushtet, gomat e dimrit, zinxhirët në të gjitha ato zona ku kërkohen. Po ashtu duhen respektuar të gjitha thirrjet e Policisë Rrugore dhe ARRSH-së për kushtet e motit në zona të ndryshme të Shqipërisë. Presim në ditët në vazhdim të kemi reshje të dendura si dëbore ashtu dhe shiu, kështu që të gjitha grupet e ARRSH-së duhet të jenë gati për ta përballuar këtë proces sa më mirë, pa ndërprerje të qarkullimit në të gjitha akset e territorit”, u shpreh Balluku./ Opinion.al

Pas