Ambasadorja e SHBA, Yuri Kim ka reaguar ditën e sotme pas debatit të zhvilluar në KAS lidhur me ngjashmërinë e logos mes Partisë Demokratike dhe Bindjes Demokratike si edhe për vendimin e KAS për të ndryshuar fletën e votimit nga me emra sikundër u miratua, në me numra, kërkesë kjo e parashtruar nga PS.
Nëpërmjet një reagimi në llogarinë e saj në “Twitter”, Kim shkruan: Çdo gjë më pak do të ishte në dëm të votuesve dhe një hap prapa për demokracinë.
“Kujtesë: Është absolutisht e rëndësishme për autoritetet të sigurojnë që rregullat dhe kushtet e zgjedhjeve janë, në fakt dhe nga perceptimi, të drejta, në kohë dhe transparente. Çdo gjë më pak do të ishte në dëm të votuesve dhe një hap prapa për demokracinë.”-shkruan ambasadorja Kim në postimin e saj./Opinion.al
