Ditën e sotme deputetja Rudina Hajdari është përfshirë në një debat të fortë me Zv. kryetaren e parlamentit, Vasilika Hysi.
Debati nisi kur Hajdari kërkoi edhe 3 minuta për të folur nga foltorja e Kuvendit, por kjo gjë që nuk i është miratuar nga nënkryetarja e Kuvendit.
Teksa po fliste për inceneratorët, Hajdari ka drejtuar gishtin nga Hysi duke kërkuar më shumë kohë, por kjo e fundit i është përgjigjur ashpër.
Hysi iu drejtua duke i thënë të mos e ngrejë gishtin në drejtim të saj dhe të respektojë etikën në Kuvend.
Debati
Hajdari: Të lutem mos më ndërpre fjalën
Hysi: Vërejtje dhe po vijove me mungesë etike do të çoj në komision të etikës. Mua gishtin mos ma ngri dhe mos fol pa edukatë se je zonjë. E para respekto rregulloren, respekto pozicionin e drejtuesit. Respekto se je grua dhe je nënë.
Hajdari: Dua kohë moj zonjë, dua kohë (Mban foltoren të bllokuar)
Hysi: Zonja është e zonja të flasi vetë se ka ardhur dhe përfaqëson elektorat (I drejtohet deputetëve që i kërkojnë t’i japi kohë shtesë)
Hajdari: Dua kohën time
Hysi: Jo koha ka mbaruar. Kërkuat procedurën. Ju thash s’do flisni tani se mbaruat kohën dhe po flisnit jashtë rendit të ditës. Në bazë të rregullores kam të drejtë të presë fjalën./ Opinion.al
