Daut Haradinaj ka mohuar lajmin e dalë sot në media se ai është arrestuar në Vienë.
Pasi u raportua se deputeti i AKK u ndalua në Vienë bazuar në fletëarrestet ndërkombëtare të lëshuara nga Serbia, ka qenë vet ai që e përgënjeshtruar një lajm të tillë.
Në një prononcim për Klan Kosovën, Haradinaj thotë se ai ka patur vetëm një konsultë disa minutëshe me policinë në aeroport që nuk ka të bëjë me ndalim ose arrestim.
“Lajmi nuk është i vërtetë, ishte vetëm një konsultë disa minutëshe me policinë në aeroport. Nuk ka të bëjë as me ndalim dhe as me arrestim. Jam në Vienë i lirë dhe duke u bazuar në planin tim Falënderoj policinë dhe shtetin austriak për korrektësinë e vazhdueshme, si në këtë rast, ashtu edhe në mbështetjen e vazhdueshme të cilën ia kanë dhënë Kosovës pa rezervë. Mesazhi im për miqtë dhe dashamirët të shqetësuar, jam i lirë dhe jam shumë mirë. Shumë shpejt takohemi në Kosovë – i falënderoj të gjithë për mbështetjen”, u shpreh deputeti Haradinaj.
Vëllai i kryeministrit të Kosovës postoi edhe një foto në Facebook ku duket i qeshur dhe ku shkruan “Live nga Viena” /Opinion.al
